17.04.19: Oskar

Onsdag 17.april 2019 kom litle Oskar stille til verda på Kvinneklinikken på Haukeland sjukehus. Mor gråt sine tapre tårer då den perfekte, livlause babykroppen blei lagt til  brystet hennar.

For bortsett frå at han har arva nasen til Olav Emil var han verkeleg perfekt. Ein stor, liten, perfekt gut. Han såg heilt ferdig ut.

Likevel var ikkje ting som dei skulle vere.
Det skulle vere ein nydeleg solskinsdag. Ikkje 17.april, men 26.august.
Du skulle vere ein «gyllen halvmeter». Ikkje 30 cm.
Du skulle vere ein eller annan plass mellom 2,5 og 4,5kg. Ikkje 615 gram.
Du skulle komme til verda, fylle lungene dine med luft og skrike av full hals.
Istadenfor kom du til verda med eit plask etterfølgt av stillheit og mors utrøystelege gråt då ho fekk sjå deg for fyste gong.
Du skulle vere frisk og «levedyktig».
Du skulle vere med oss heim frå sjukehuset…

sdr

Sjølv om dette er ei stor tragedie er vi som foreldre flest utruleg stolte over den nydelege guten vår. Og kjærleiken vi kjenner på kan ikkje skildrast med ord.

DSC03090

Dette er definitivt noko av det tøffaste vi nokon sinne har opplevd. Eg trur ikkje andre enn dei som har gått i våre sko kan førestille seg smerten, fortvilelsen og saknet vi kjenner på no. Eg klarar det ikkje sjølv ein gong…

Likevel har det vore masse fint i all elendigheita. Vi har klart å halde saman og støtte kvarandre gjennom den største utfordringa vi nokon sinne (forhåpentlegvis) må gå igjennom. Familien har stilt opp og stått klare døgnet rundt medan vi har venta på det som var ein mykje lengre og hardare fødsel enn eg trur nokon hadde sett føre seg. Og etter kvart einaste vaktskifte på KK (som det vart ein del av) har det dukka opp fantastiske jordmødre som har gjort absolutt alt dei kan for at vi skulle ha det så bra som mogleg både før og etter fødsel.

DSC03086.JPG

No er vi heime att etter 4 lange dagar på sjukehus. Eg skal gjennom den berømte barseltida, med alt det inneberer, men utan baby. Og etter kvart kjem kvardagen attende. Det er tungt, men eg håper og trur at folk er tolmodige og forstår at dette kan ta tid.

DSC03094.JPG

Takk til alle som har stilt opp for oss den siste månaden, både av familie og venner. Takk til dei som vitja oss på sjukehuset (dei få som fekk lov). Takk til alle som har sendt oss meldinger, både familie, venner, kjende og ukjende. Eg har ikkje fått svart alle, men setter likevel utruleg stor pris på kvar einaste melding. Takk til alle dei tøffe damene der ute som har vald å dele erfaringene sine med meg. Takk til alle som har tenkt på oss, kryssa fingrar og folda nevar for oss. Takk til dei som har fylt opp alle vasane våre med blomar. Og ikkje minst takk til jordmødrene på KK (om nokon av dykk skulle lese dette) for at dykk klarte å gjere den kjipaste opplevinga nokon sinne så bra som mogleg.
Takk!

4 thoughts on “17.04.19: Oskar

  1. En gammel kollega ga meg et råd jeg aldri har glemt da jeg som ung og opimistisk lege skulle ut og «redde verden»: «Du kommer i situasjoner hvor du ikke vet hva du skal si. Da skal du si akkurat det, «Jeg vet ikke hva jeg skal si». Vi er nedbrutte som dere, men veldig stolte av dere, som klarer å formidle både fortvilelsen og situasjonen. Dette står det respekt av. Så får vi sammen arbeide for å komme gjennom dette. Ingen av oss som traff ham kommer noen gang til å glemme Oskar!

  2. En engel åpned livets book og skrev ned ditt barns fødselsdag og hvisket mens hun lukket den «For vakker for denne jord»

    RIP. Oskar

    Håper det går bra med dere oppi alt dette ❤️

  3. Hei vennen💖
    Så utrolig trist å lesa at dåkke mista han så alt for tidlig. Har mye spørsmål men ska la ver å spør, men husk. Hvis du trenge noen å snakka me så e eg her for deg💜 varme trøste klem ar sendes i dåkkas rettning💙

    Klem fra MiniMee 💋

  4. Kjære Lina Kristine og Olav Emil.
    Vanskelig og finne ord.
    Sitter igjen og kjenner på en stor takknemlighet over å ha fått sett Oskar sammen med dere.Tiden sammen med Oskar ble så dyrebar og kort. Takk for at dere delte han med oss. Fine , lille Oskar vil alltid ha en plass i vårt hjerte.
    TUSEN TAKK.

Legg att eit svar

Fill in your details below or click an icon to log in:

WordPress.com logo

Du kommenterer no med WordPress.com-kontoen din. Logg ut /  Endre )

Google photo

Du kommenterer no med Google-kontoen din. Logg ut /  Endre )

Twitter-bilde

Du kommenterer no med Twitter-kontoen din. Logg ut /  Endre )

Facebook-foto

Du kommenterer no med Facebook-kontoen din. Logg ut /  Endre )

Koplar til %s